“Ukraynada 1952-dən çox uşaq Rusiya Federasiyasının genişmiqyaslı silahlı təcavüzündən əziyyət çəkib”.
“İki sahil” xəbər verir ki, bu barədə Ukrayna Baş Prokurorluğu məlumat yayıb.
Qeyd edilib ki, 26 iyun 2024-cü il səhər saatlarına olan məlumata görə, yetkinlik yaşına çatmayan 551 uşaq həlak olub, 1401-dən çoxu isə müxtəlif dərəcəli bədən xəsarətləri alıb”.
Ən çox Donetsk vilayətində - 547, Xarkov vilayətində - 395, Xerson vilayətində - 152, Dnepropetrovsk vilayətində - 151, Kiyevdə - 130, Zaporojjya vilayətində - 108, Nikolayev vilayətində - 107 uşaq zərər görüb.
İyunun 23-də rus ordusunun Xarkovu atəşə tutması nəticəsində 15 və 16 yaşlı iki, Donetsk vilayətində Selydove şəhərinin atəşə tutulması nəticəsində də 10 və 13 yaşlı iki oğlan olmaqla, 4 nəfər yaralanıb.
İyunun 24-də Rusiyanın Donetsk vilayətində Drujkivka və Pokrovsk şəhərlərini atəşə tutması nəticəsində 9, 11 və 13 yaşlı üç qız və 12 və 16 yaşlı iki oğlan yaralanıb.
Məhərrəm Ağalaroğlu, “İki sahil”
