İyunun 25-dən 26-na keçən gecə Amerika Kubokunun 2-ci turunda Çili və Argentina yığmaları üz-üzə gəlib.
Publika.az xəbər verir ki, Argentina 1:0 hesabı ilə qalib gəlib. Yeganə qolu oyunun 88-ci dəqiqəsində Lautaro Martines vurub. Bu qələbə Argentina millisinə iki turdan sonra qrupdan erkən çıxmağa vəsiqə verib.
Qrupun digər oyununda Kanada minimal hesabla Peruya qalib gəlib – 1:0. Hazırkı dünya çempionları A qrupunda altı xalla turnir cədvəlinə başçılıq edir, Kanada üç xalla ikinci yerdədir. Peru və Çili millilərinin hərəyə bir xalı var.
