Almaniya millisinin müdafiəçisi Conatan Tahın "Bavariya"ya keçməyə yaxın olduğu iddia edilirdi.
Sportal.az "Sky Sport"a istinadən xəbər verir ki, Münhen klubu Tah üçün qarşı tərəfə 20 milyon avro təklif edib.
Bu isə "Bayer" rəsmilərinin ürəyincə olmayıb. Ona görə də, Leverkuzen klubu 28 yaşlı futbolçunun "Bavariya"ya satılmayacağını bildirib.
Onlar aparıcı futbolçu üçün minimum 40 milyon avro tələb edir.
"Hamburq", "Fortuna"da da oynamış Conatan 2015-ci ildən "Bayer"in formasını geyinir. Onun Bundesliqa çempionu ilə müqavilə müddəti 2025-ci il iyunun 30-da başa çatır.
