İngiltərədə hakim Mühafizəkarlar Partiyasından olan millət vəkili İain Duncan Smith İngiltərədən Şimali Kipr Türk Cümhuriyyətinə (ŞKTC) birbaşa uçuşlar çağırışını təkrarlayıb. Bizimyol.info xəbər verir ki, Mühafizəkarlar Partiyasının millət vəkili İain Duncan Smith verdiyi açıqlamada Kiprdəki mövcud vəziyyətin Çinqford və Vudford Qrin bölgələrində bir çox Kipr türk seçiciləri üçün ciddi çətinliklər yaratdığına diqqət çəkib. Böyük Britaniyanın Türkiyə istisna olmaqla, bütün beynəlxalq ictimaiyyətə uyğun olaraq Şimali Kipr Türk Cümhuriyyətini müstəqil dövlət kimi tanımadığını vurğulayan Smit belə davam edib: “Nəticədə Şimali Kipr beynəlxalq təcridlə üzləşib və digər ölkələrdən birbaşa uçuşlara məhdudiyyətlər var. Ona görə də bir müddətdir ki, Şimali Kiprə birbaşa uçuşlar üçün kampaniya aparıram. Hazırda Ercan Hava Limanı (LCEN) Şimali Kiprin əsas mərkəzi rolunu oynayır. Cənubi Kipr birbaşa uçuşların üstünlüklərindən istifadə etdiyi halda, Şimali Kiprə yalnız bir və ya iki fasilə ilə uçuşlar təklif edilə bilir ki, bu da səyahətçiləri əlverişsiz aralıq dayanacaqlar etməyə məcbur edir. Birbaşa uçuş çağırışım mütəmadi olaraq Şimali Kiprdəki mülklərinə baş çəkməli və yaşlı qohumlarına dəstək olan türk-kipr əsilli seçicilərimə dəstəkdir. Mənim və bir qrup deputatın dəfələrlə səsləndirdiyi narahatlıqlara baxmayaraq, Böyük Britaniya hökumətinin birbaşa uçuşlarla bağlı mövqeyi dəyişməyib. Hökumətin Böyük Britaniya ilə Şimali Kipr arasında birbaşa uçuşlara icazə vermək hələ də planı yoxdur. Mən Kipr türk seçicilərim adından bir neçə dəfə hökumət qarşısında bu məsələni qaldırmışam. Xarici İşlər Nazirliyi, Ercan Hava Limanının Beynəlxalq Mülki Aviasiya Təşkilatı tərəfindən beynəlxalq hava limanı kimi tanınmadığını və buna görə də Böyük Britaniya hökumətinin Şimali Kipr administrasiyası ilə birbaşa uçuşların bərpasına mane olan Hava Xidmətləri Sazişi üzrə danışıqlar apara bilmədiyini açıqladı. Mən başa düşürəm ki, Nəqliyyat Nazirinin məsləhəti ilə Böyük Britaniyanın təhlükəsizlik şirkəti Ercan hava limanını yoxlayıb və hava limanının Böyük Britaniyanın təhlükəsizlik standartlarına cavab verməsini təmin etmək üçün tövsiyələr verib. Bununla belə, Kipr Respublikasının hava limanının tələb olunan təhlükəsizlik standartına cavab verib-vermədiyini qiymətləndirmək üçün əlavə yoxlamalara icazə verməməsi məyusedicidir. Belə ədalətsiz və məhdudlaşdırıcı səyahət qadağasının sona çatdığını görməyin vaxtıdır. Əgər mən yenidən Çinqford və Vudford Qrin parlamentinin üzvü seçilsəm, hökuməti Böyük Britaniya ilə Şimali Kipr arasında birbaşa uçuşlara icazə verməyə və Kipr türklərinin beynəlxalq ictimaiyyətdən daha da təcrid olunmasının qarşısını almağa çağırmağa davam edəcəyəm”, - deyə o qeyd edib. Digər tərəfdən, İngiltərədə 4 iyulda keçiriləcək ümumi seçkilər öncəsi İngiltərə Kipr Türk Ticarət Palatasının sədri Dr. Muhammet Yaşarata da açıqlamalar və çağırışlar edib. Böyük Britaniyanın Kipr Türk Ticarət Palatasının prezidenti Dr. Muhammet Yaşarata deyib: “İain Duncan Smith Kipr türk icmasını eşitdirən və ehtiyaclarına həssaslıqla yanaşan bir millət vəkilidir. Mən onun Şimali Kiprə birbaşa uçuşlar kampaniyasını ürəkdən dəstəkləyirəm. Duncan Smith-in bu mövzuda qətiyyəti Kipr türklərinin beynəlxalq arenada layiq olduqları mövqeyə çatması üçün çox əhəmiyyətlidir”. Kipr türklərinin uzun illərdir təcrid vəziyyətində yaşadıqlarına və bu vəziyyətin onların iqtisadi və sosial həyatlarına mənfi təsir göstərdiyinə diqqət çəkən Yaşarata: “Birbaşa aviareyslərin təmin edilməsi Kipr türklərinin dünya ilə daha asan və sürətli əlaqə yaratmasına imkan verəcək və eyni zamanda iqtisadi inkişafa böyük töhfə verəcək. Birbaşa uçuşların təmin edilməsi iş dünyası üçün də böyük üstünlüklər gətirəcək. Şimali Kiprdəki iş adamları və sahibkarlar beynəlxalq bazarlarla daha asan əlaqələr qura, iş həcmlərini artıra və yeni imkanlar yarada biləcəklər. Buna görə də İain Duncan Smithə onun mübarizəsində dəstək olmaq bizim borcumuzdur”, - deyə bildirib. Qadir, Bizimyol.info
- Ночной Режим
- Домашняя страница
- Статистика
- Источники
- Рейтинг
- Погода
- Валюта
