Hüquq və İnsan Haqları İnstitutu BMT-nin İnsan Hüquqları üzrə Ali Komissarlığı (UN OHCHR) ilə birlikdə iyunun 24-də Təlimçilər üçün Təlim layihəsi çərçivəsində hüquqşünaslar üçün insan hüquqları mövzusunda təlimlərə start verib.
QHT.az xəbər verir ki, iyunun 29-na qədər davam edəcək təlimlər Avropa İnsan Hüquqları Konvensiyasının 5-ci, 6-cı, 8-ci və 14-cü maddələri olmaqla, İnsan Hüquqları üzrə Avropa Məhkəməsinin qəbuledilənlik meyarları, İşgəncələrə Qarşı Avropa Komitəsinin və BMT-nin Məhbuslarla minimal davranış qaydaları və digər mövzuları əhatə edəcək. Təlimin ilk günü iştirakçılara təlimlərin təşkili və qaydaları, metodologiyası, insan hüquqlarına dair araşdırmanın prinsipləri, Konstitusiya və insan haqlarına dair təqdimat modulları təqdim olunub.
