Rusiyanın Moskva vilayətinin Fryazino şəhərində, bazar ertəsi, iyunun 24-də Platan Elmi-Tədqiqat İnstitutunda güclü yanğın baş verib. İnsanlar yanan binada qalıblar.
Qaziler.az bildirir ki, bu barədə RBC-Ukrayna Rusiyanın Telegram kanallarına istinadən məlumat yayıb.
Videoda binanın bir neçə mərtəbəsinin alov içində qalması, pəncərələrdən qatı qara tüstünün çıxması görünür.
Rusiyanın Teleqram kanalları bildirir ki, ilkin məlumata görə, yanğın beşinci və altıncı mərtəbələrdə, planlaşdırma-layihə binasının ofislərində başlayıb.
Binanın səkkizinci mərtəbəsində sıxılmış vəziyyətdə qalan 9 nəfər pəncərədən çölə söykənərək kömək istəyir. Fövqəladə Hallar Nazirliyinin əməkdaşları yanan binandakı insanları təxliyə edir.
Qeyd edək ki, “Platan” radioelektron müdafiə sənayesi müəssisəsidir. Məlumata görə, şirkət elektron şüa cihazları və yarımkeçirici lazerlər, həmçinin maye kristal ekranlar hazırlayır.
QAZİLER.AZ
