Medvedev: Seul sanksiyalara qoşulduqca onunla münasibətlər pisləşəcək

"Rusiya Koreya Xalq Demokratik Respublikası (KXDR) ilə birgə müdafiə müqaviləsinin bütün müddəalarına əməl edəcək, Cənubi Koreya isə sanksiyalara qoşulduqca onunla münasibətlər pisləşəcək". Bizimyol.info xəbər verir ki, bu barədə Rusiya Təhlükəsizlik Şurasının sədr müavini Dmitri Medvedev sosial şəbəkələrdəki ingilisdilli səhifələrində bildirib. “Seulda Rusiya ilə KXDR arasında yeni sazişdən narahatdırlar. Qarşılıqlı müdafiə ilə bağlı maddələr də daxil olmaqla, biz bunu ciddi şəkildə həyata keçirəcəyik. Ancaq Cənubi Koreyanın anti-Rusiya sanksiyalarına fikir vermədiklərini nəzərə alaraq, onunla münasibətlər pisləşməyə davam edəcək”, - deyə Medvedev yazıb. Rusiya prezidenti Vladimir Putinin Pxenyana səfəri zamanı Rusiya ilə KXDR arasında strateji tərəfdaşlıq sazişi imzalanıb. Sənəddə digər məsələlərlə yanaşı, üçüncü ölkənin təcavüzü zamanı birgə müdafiə daxildir. Cənubi Koreya sazişdən narahatlığını bildirib və hətta Ukraynaya birbaşa silah tədarükündən imtina məsələsinə yenidən baxılmasının mümkünlüyünü açıqlayıb. Rusiya prezidenti qeyd edib ki, Seul Pxenyana qarşı aqressiya planlaşdırmasa, qorxacaq heç bir şey olmayacaq və Kiyevə mümkün silah tədarükünü Moskvanın buna əks reaksiya verməli olacağı səhv addım adlandırıb. Qadir, Bizimyol.info

• Rusiya
• sanksiya
• müdafiə
• münasibət
• Koreya Xalq Demokratik Respublikası