Avropa İttifaqına (Aİ) üzv ölkələr Rusiyanın dondurulmuş aktivlərindən əldə edilən gəlirin Ukraynaya hərbi yardım üçün istifadə edilməsi barədə razılığa gəliblər.
Yeniavaz.com xəbər verir ki, bunu Belçikanın xarici işlər naziri Aca Labib Aİ Şurasının iclasına gələrkən deyib.
“Razılıq əldə olundu. Biz aktivlərdən mənfəəti azad etmək üçün bu proseduru zəmanətlə təmin etdik", - o deyib.
Digər tərəfdən, “Politico” qəzetinin məlumatına görə, Aİ-nin Xarici İşlər və Təhlükəsizlik Siyasəti üzrə Ali Nümayəndəsi Cozep Borrell iyunun 24-də Rusiyanın aktivlərindən Ukraynaya yardım fonduna 1,4 milyard avroluq mənfəətin ilk tranşını açıqlayacaq. Nəşrin məlumatına görə, Avropa diplomatiyasının rəhbəri Aİ xarici işlər nazirlərinin Lüksemburq görüşündə qəbul etdiyi razılaşma əsasında müvafiq bəyanatla çıxış edəcək. Qəzet yazır ki, vəsait Almaniya, Danimarka və Çexiya vasitəsilə göndəriləcək ki, bu da Ukraynanın tələb etdiyi alışları həyata keçirəcək.
Növbəti tranş 2025-ci ilin yazında Ukraynaya yardım fonduna köçürüləcək. İtaliya, Latviya, Rumıniya və İsveç vasitəçi qismində çıxış edəcək.
Belə tranşların müntəzəm xarakter alacağı gözlənilir.

• Rusiya
• Ukrayna
• hərbi yardım
• Avropa İttifaqı
• gəlir
• aktivlər