"Türkiyə millisində əsas problem mərkəz müdafiəçiləri ilə cinah müdafiəçiləri arasında yaranan boşluqlardır.
Portuqaliya üçüncü fazada tətbiq etdiyi pressinqlə, düzgün seçimlə onların oyun planını pozdu".
Bu açıqlama ilə "Sportinfo TV"nin aparıcı eksperti Elçin Cəfərov çıxış edib.
Tanınmış jurnalist Avro-2024-ün F qrupunda keçirilən Portuqaliya - Türkiyə (3:0) qarşılaşması barədə danışıb.
O, "ay-ulduzlu"ların çalışdırıcısı Vinçenzo Montellanın taktiki cəhətdən yol verdiyi boşluqları sadalayıb.
E.Cəfərov italıyalı mütəxəssisin oyunçu seçimlərindəki yanlış qərarlarının nəticəyə birbaşa təsir göstərdiyini söyləyib.
