UEFA, 2024-cü il Avropa çempionatının 2-ci turunun ən yaxşı qolu üçün istifadəçi səsverməsinin açıldığını elan edib.
90deqiqe.Az xəbər verir ki, dörd namizədin siyahısına ukraynalı Roman Yaremçukun Slovakiya millisinə (2:1), danimarkalı Morten Julmanın İngiltərə komandasına (1:1), isveçrəli Xerdan Şaqirinin Şotlandiya millisinə (1:1), avstriyalı Gernot Traunerin Polşa millisinə qarşı (3:1) vurduğu qollar daxil edilib.
Avro-2024-ün qrup mərhələsinin iki turunun nəticələrinə görə Almaniya, İspaniya və Portuqaliya yığmaları turnirin pley-off mərhələsinə (1/8 final) vəsiqəni təmin ediblər. Polşa millisi 2024-cü il Avropa çempionatında qrup mərhələsinin sonuna bir tur qalmış qələbə uğrunda mübarizəni davam etdirmək şanslarını itirmiş yeganə milli olub.
