İsrail Livanın "Hizbullah" hərəkatının yeni hücumlarının qarşısını almaq üçün tədbirlər görəcəklərinə dair söz verib.
Oxu.Az-ın verdiyi məlumata görə, İsrail xarici işlər naziri İsrael Kats bununla bağlı özünün "X" hesabında paylaşım edib.
"İsrail "Hizbullah" terror təşkilatına öz ərazisi və vətəndaşlarına hücum etməyə davam etməsinə icazə verə bilməz, tezliklə lazımi qərarlar qəbul edəcəyik" - deyə paylaşımda qeyd edib.
Nazir həmçinin dünya ictimaiyyətini bu qarşıdurmada İsrailə dəstək verməyə çağırıb.
BiG.Az
