Günəşdə Yerdə silsilə maqnit qasırğalarına səbəb ola biləcək nəhəng super nöqtə yaranıb.
Aztibb.az “EcoPravda” portalına istinadən xəbər veri ki, alimlər xəbərdarlıq edirlər ki, planetimizdə maqnit dalğalanmaları hələ bu həftəsonu, iyunun 22 və 23-də başlaya bilər.
Alimlərin fikrincə, bir neçə gün ərzində əmələ gələn bu super nöqtə indiki günəş tsiklində ən böyük nöqtələrdən birinə çevrilib.
Mütəxəssislər günəş ləkəsinin ulduzun yuxarı təbəqələrində maqnit borularının intensiv yüksəlməsi nəticəsində yarandığını izah edirlər.
Günəş ləkələri 27 günə qədər davam edə bilər, onların görünüşü və yox olması Günəşin fırlanmasından asılıdır. Onlar Yerdə maqnit fırtınalarına səbəb ola bilər, lakin qarşıdan gələn fırtınaların gücünü və təhlükə dərəcəsini dəqiq müəyyən etmək hələ də çətindir.
Elmi ictimaiyyət hələ də maqnit qasırğalarının insan sağlamlığına təsiri ilə bağlı konsensusa gəlməyib. Bəzi həkimlər, maqnit dalğalanmalarının insanların rifahına təsir göstərə biləcəyini, qan təzyiqinin artmasına, baş ağrısına, zəifliyə və digər xoşagəlməz simptomlara səbəb ola biləcəyini iddia edirlər.
Maqnit qasırğaları zamanı baş ağrısı, başgicəllənmə, ürəkbulanma və halsızlıq riskini azaltmaq üçün intensiv fiziki fəaliyyətdən və stressdən uzaq olmaq, təmiz havada daha çox vaxt keçirmək tövsiyə olunur.
