Space TV-də yayımlanan “Gəl, danış” proqramında aparıcı verilişin qonağına sərt reaksiya verib.
TEMPİNFO xəbər verir ki, verilişin aparıcısı Amil Xəlil efirinə dəvət etdiyi ilahiyyatçı Hacı Təyyar Hüseynliyə xitabən dediyi sözlər qalmaqala yol açıb.
Belə ki, onun çıxışından sonra din xadimi studiyanı tərk edib.
Qeyd edək ki, T.Hüseynli sözünün kəsilməsindən narazılığını bildirib və “birinci və sonuncu efir” deyərək bu səbəbdən televiziyalara qonaq kimi getmədiyini vurğulayıb.
A.Xəlil isə onun sözlərindən hiddətlənərək sərt reaksiya verib və qeyd edib ki, heç kimi efirə məcburi çağırmırlar.
“Efirə və Space TV-yə hörmət etməlisiniz. İnciməyin. İstəmirsinizsə, biz sizi məcbur saxlaya bilmərik. “Birinci və sonuncu” efir sözü ən zəhləm getdiyim ifadədir. Heç xoşuma gəlmir. Sizi Hacı edən bu efirlər olub”, – o deyib.
TEMPİNFO
