Süni zəka sahəsində fəaliyyət göstərən və Claude adlı məşhur süni zəka əsaslı çat-botu ilə tanınan Anthropic şirkəti öz yeni süni zəka modelini təqdim edib və təqdim edəndən sonra dərhal onu istifadəyə verib. Şirkətin yeni süni zəka modeli Claude 3.5 Sonnet adlanır. Şirkətin sözlərinə əsasən sözügedən yeni süni zəka modeli öz imkanları baxımından OpenAI şirkətinin GPT-4o və Google şirkətinin Gemini modelləri ilə eyni səviyyədədir və hətta onları geridə qoya bilər. Claude 3 Sonnet kimi Claude 3.5 Sonnet də Claude çat-botunun həm pulsuz həm də ödənişli versiyasının istifadəçiləri üçün aktivdir. Məlumata əsasən yeni süni zəka modeli Anthropic tərəfindən bir neçə ay bundan öncə istifadəyə verilmiş və ilkin mərhələdə Claude çat-botunun yalnız ödənişli versiyasının istifadəçiləri üçün aktiv olmuş Claude 3 Opus adlı süni zəka modelinin təkmilləşdirilmiş versiyasıdır. Claude 3.5 Sonnet iki dəfə daha sürətli çalışır və müxtəlif tapşırıqların yerinə yetirilməsi mövzusunda daha yaxşı nəticələri sərgiləyir. Bu yeni süni zəka modeli artıq Claude çat-botunun standartı hesab edilir. Claude 3.5 Sonnet faktiki olaraq Anthropic şirkətinin GPT-4o-ya cavabıdır. Məlumatda qeyd edilib ki, Anthropic tərəfindən aparılmış 9 performans testindən 7-də yeni süni zəka modeli GPT-4o-nu, Gemini 1.5 Pro-nu və Meta şirkətinin Llama 3 400B adlı süni zəka modelini geridə qoya bilib. Göründüyü kimi süni zəka sahəsində şirkətlər arasındakı yarış aktiv şəkildə davam edir. Anthropic-dən əlavə olaraq son aylar ərzində OpenAI və Google kimi şirkətlər öz süni zəka modellərinin təkmilləşdirilmiş versiyalarını təqdim ediblər. Bununla belə hər yeni süni zəka modeli və ya onun təkmilləşdirilmiş versiyası olduqca diqqət çəkən nəticələr sərgiləyirlər.
- Ночной Режим
- Домашняя страница
- Статистика
- Страницы
- Рейтинг
- Погода
- Валюта
