Moldova prezidenti Maya Sandu Avropa İttifaqına daxil olmaq üzrə danışıqların başlanması haqqında fərman imzalayıb.
Editor.az bildirir ki, bu barədə prezident sosial şəbəkələrdə məlumat verib: “Bu gün mən Moldovanın Avropa İttifaqına daxil olması ilə bağlı danışıqların başlanması haqqında fərman imzaladım. Moldova Avropa Komissiyasının bütün tövsiyələrini yerinə yetirib.
Beləliklə, namizəd statusu aldıqdan iki il sonra, iyunun 25-də Moldova-Aİ hökumətlərarası birinci konfrans keçiriləcək və bu, üzvlük danışıqlarının başlanğıcını qeyd edəcək”, – deyə Maya Sandu Facebook səhifəsində yazıb.
Xatırladaq ki, Avropa İttifaqı 2022-ci ilin iyununda Ukrayna və Moldovaya Avropa İttifaqına namizəd ölkə statusu verib. Aİ-nin 2023-cü il dekabrın 14-də keçirilən sammitində Ukrayna və Moldova ilə Avropa İttifaqının gələcək üzvlüyü ilə bağlı danışıqlara başlamaq qərara alınıb
//Samir Qurbanov, Editor.az