Respublikanın bütün bölgələrində olduğu kimi Naftalan şəhərində də sahibkarlıq gündən-günə inkişaf edir. Sahibkarlıq inkişaf etdikcə yeni açılan iş yerlərinin sayı artır, əhalinin sosial rifah halı daha da yaxşılaşır.
Beynəlxalq Turizm Mərkəzi olan Naftalanda sahibkarlara geniş imkanlar yaradılmışdır. Həm hotel və istirahət, həm də müalicə mərkəzi kimi Naftalana üz tutan yerli və xarici turistlərə yüksək səviyyəli xidmət göstərilməsi məqsədilə burada hər cür şərait yaradılıb.
ŞİH-nin başçısı Vüqar Novruzov və şəhər polis şöbəsinin rəisi Zaur Bədəlov yaxın gələcəkdə istifadəyə veriləcək “Naftalan Hotel” də son tamamlama işləri ilə yaxından tanış olublar, aidiyyəti üzrə fikir və tövsiyyələrini bildiriblər.
