Ötən il Rusiyada alkoqol istehlakı son doqquz ilin ən yüksək səviyyəsinə çatıb. 15 yaşdan yuxarı adambaşına düşən xalis spirt istehlakı 8 litrə yüksəlib. Araşdırmaya görə, 2007-ci ildə ölkədə adambaşına spirtli içki istehlakı 11 litr olduğu halda, 2017-ci ildə bu məbləğ 7 litr olub. Rusiya İqtisadiyyat Məktəbinin Demoqrafik Tədqiqatlar Mərkəzinin müəllimi Yevgeni Andreyev “Kommersant” qəzetinə müsahibəsində sosial həyatda yaranan çətinliklərlə əlaqədar alkoqol istehlakının artdığını dəyərləndirib. Digər tərəfdən, ekspertlər ölkədə spirt istehlakının əslində rəsmi məlumatlardan təxminən 30 faiz yuxarı ola biləcəyini təxmin edirlər. Rusiyada istehlak edilən spirtli içkilərin 60 faizini araq, konyak və digər spirtli içkilər təşkil edir.
Xəyal
