FİFA milli komandaların yeni dünya reytinqini açıqlayıb.
Sportinfo.az qurumun saytına istinadən xəbər verir ki, 1179.88 xala malik olan Azərbaycan millisi son reytinqlə müqayisədə 1 pillə irəliləyib.
Komandamız 111-ci sıradadır.
Reytinq cədvəlinə 1860.14 xalla son dünya çempionu Argentina millisi liderlik edir. Fransa 1837.47 xalla 2-ci, Belçika 1797.98 xalla 3-cüdür.
Azərbaycan millisi bu ay iki yoxlama oyunu keçirib. Komanda Qazaxıstana 3:2 hesabı ilə qalib gəlib, Albaniyaya 1:3 hesabı ilə uduzub.
