Kişi qısqanclıq zəminində keçmiş həyat yoldaşına bıçaqla hücum edib

Sankt-Peterburqda 46 yaşlı kişi əvvəllər yaxın münasibətdə olduğu 50 yaşlı qadına bıçaqla hücum edib.

Həmin şəxs mağazanın yanındakı dayanacaqda keçmiş həyat yoldaşını pusquya salaraq onu bıçaqlayıb.

32gun.az bildirir ki, bu barədə “Mash on the Moika” Telegram kanalı məlumat yayıb.

Hadisə Lenin küçəsində yerləşən supermarketin yaxınlığında baş verib. Təcavüzkar qurbanı avtomobilindən çıxarıb və qarnına bir neçə bıçaq zərbəsi vurub, sonra isə qaçıb. Yoldan keçənlər zərərçəkənə ilkin tibbi yardım göstərib və təcili yardım çağırıblar. Qadın ağır vəziyyətdə şəhər xəstəxanalarından birinə yerləşdirilib.

 Məlumata görə, beş il əvvəl, hələ birlikdə olarkən, təcavüzkar və qurban Çelyabinskdən Sankt-Peterburqa  köçüblər. Davamlı döyülmələr və qısqanclıq hücumları səbəbindən qadın münasibətlərini kəsib. Bundan sonra keçmiş həyat yoldaşı onu təqib edib: işində qalmaqallar yaradıb, qadının avtomobilinə dinləmə cihazları yerləşdirib.

Ayxan 

• Sankt-Peterburq
• qadın
• kişi
• bıçaq hücumu