İqlim üzrə Avropa komissarı Vopke Hukstra sabah Azərbaycana səfər edəcək.
E-huquq.az-ın məlumatına görə, bu barədə Avropa Komissiyası məlumat yayıb.
Məlumata əsasən, o, Azərbaycan hakimiyyəti və vətəndaş cəmiyyəti nümayəndələri ilə görüşlər keçirmək və noyabrda ölkədə keçiriləcək BMT-nin iqlim dəyişikliyinə dair COP29 konfransına hazırlıq işlərini müzakirə etmək üçün Bakıya gələcək.
Bildirilib ki, səfər zamanı V.Hukstra COP29-un prezidenti, Azərbaycanın ekologiya və təbii sərvətlər naziri Muxtar Babayev və COP29-un sədrliyi komandası ilə görüşəcək. O, həmçinin energetika naziri Pərviz Şahbazov və xarici işlər naziri Ceyhun Bayramovla ikitərəfli görüşlər keçirəcək, Azərbaycan vətəndaş cəmiyyətinin nümayəndələri ilə fikir mübadiləsi aparacaq.
