Azərbaycan Dillər Universitetinin (ADU) Beynəlxalq Münasibətlər və Regionşünaslıq fakültəsinin müəllim və tələbələri şəhid məzun Elvin Bayramovun ailəsini Qurban bayramı ərəfəsində ziyarət ediblər.
Bu barədə "Tehsil.biz"ə ADU-dan bildirilib.
Ziyarət zamanı Beynəlxalq Münasibətlər və Regionşünaslıq fakültəsinin Xarici dillər kafedrası tərəfindən hazırlanmış bayram sovqatı ailəyə çatdırılıb.
Beynəlxalq Münasibətlər və Regionşünaslıq fakültəsinin COP 29-la bağlı tədbirlər planına əsasən, Regionşünaslıq kafedrasının müdiri prof.S.Əliyeva və kafedranın müəllimi A.Soltanzadə, 382-ci qrup tələbəsi Fərid Hacızadə və Mehdi Əmirov, 367-ci qrup tələbəsi Hacbayram Bəkirzadə Elvin Bayramovun ailəsinin yaşadığı evin ətrafında təmizlik işləri aparıblar.
Tələbələr Elvin Bayramovun otaq muzeyində onun əl işləri və haqqında yazılan xatirələrlə tanış olublar.
