Bakı, 14 iyun, AZƏRTAC
Qarabağ Universitetində işləyən müəllimlər müvafiq qaydalara əsasən yaşayış yeri ilə təmin ediləcəklər.
AZƏRTAC xəbər verir ki, bunu jurnalistlərə müsahibəsində elm və təhsil naziri Emin Əmrullayev deyib. O bildirib ki, Qarabağ Universitetində müəllimlərin əməkhaqqı orta aylıq əməkhaqqı ilə müqayisədə yuxarı olacaq: “Qarabağ Universitetinə təcrübəli müəllimlər cəlb olunacaq. Eyni zamanda, universitetdə yüksək bal toplayan tələbələr üçün əlavə təqaüdlər nəzərdə tutulur”.
