Son 5 ildə köklü sosial islahatlar paketi icra edilib. Bu, dövlət tərəfindən həyata keçirilən sosial yönümlü tədbirlərdir.
Teleqraf.com xəbər verir ki, bunu Milli Məclisin bu gün keçirilən növbədənkənar sessiyasında çıxış edən Əmək və əhalinin sosial müdafiəsi naziri Sahil Babayev deyib.
O qeyd edib ki, şəhid ailələri və müharibə əlilləri üçün sosial ödənişlər artıb: "122 min müharibə iştirakçısına sosial ödənişlər edilib. Özünüməşğulluq və sosial layihələr icra edilir".
Nazir bildirib ki, nazirliyə Milli Məclisdən gələn bütün məktubların hamısı cavablandırılıb: "Ev növbəsində isə biz heç kəsin növbəsini poza bilmərik. Ünvanlı yardımlarla bağlı da heç bir problem yoxdur. Bu sahədə artım var”.
Sahil Babayev vurğulayıb ki, təkliflərin isə maliyyə yükü ilə bağlı əsaslı yanaşmalar olmalıdır.
