Litva Seymi (parlamenti) sovet əsgərlərinin dəfn yerlərinin başqa yerlərə köçürülməsinin mümkünlüyü barədə qərar qəbul edib.
Redaktor.az bu barədə TASS-a istinadla xəbər verir.
Plenar iclasda bunun lehinə 89 deputat səs verib, 5 nəfər bitərəf qalıb, əleyhinə isə səs verilməyib.
Parlamentin qəbul etdiyi sənəddə deyilir: “Bu cür dəfnlər totalitar, avtoritar rejimləri və onların ideologiyasını təbliğ edən kimi tanınsa, onlara mühafizə tətbiq edilməyəcək”.
Belə obyektlərin totalitar simvol olub-olmaması hər bir konkret halda Litva Sakinlərinin Soyqırımı və Müqavimətinin Öyrənilməsi Mərkəzində idarələrarası komissiya tərəfindən həll ediləcək.
Turan İSMAYIL
