Ukraynanın sabiq prezidenti Pyotr Poroşenko ölkənin energetika sektorunda vəziyyətinin kritik həddə yaxınlaşdığını bildirib.
APA xəbər verir ki, Poroşenkonun fikrincə hökumət indi lazımi tədbirləri görməsə bu ilin qışında vəziyyət əsl fəlakətə çevriləcək.
“Təcili tədbirlər görülməsə, qışda enerji fəlakətinə gətirib çıxaracaq vəziyyətlə üzləşəcəyik” - deyən Poroşenko bildirib ki, qışda enerji ilə bağlı vəziyyət bir çox sakinin ölkəni tərk etməsinə səbəb ola bilər. O, həmçinin qeyd edib ki, evlərdə istilik sutka ərzində cəmi dörd saat veriləcək.
