ABŞ-ın Rusiyaya qarşı yeni sanksiyalar paketi Rusiyanın mayeləşdirilmiş təbii qaz sektoruna zərbə vurub.
Valyuta.az xəbər verir ki, Amerika Xəzinədarlığının internet saytındakı mesajda deyildiyi kimi, ABŞ Novatek-in yeni layihələrinə təzyiqlərini davam etdirib.
Aşağıdakılara sanksiya verilib:
Şimal Buzlu Okeanında mayeləşdirilmiş qazın nəqli üçün nəzərdə tutulmuş yeddi Arc7 buz sinifli qaz tankeri. Bunlar Aleksey Kosıgin, Pyotr Stolıpin və Sergey Vitte gəmiləri və tikilməkdə olan daha dörd tankerdir;
Murmansk LNG, ümumi gücü 20 milyon tondan çox olan qazın mayeləşdirilməsi zavodunun tikintisi üçün yaradılmış bir şirkətdir;
Murmansk Transgaz Murmansk LNG üçün qaz kəməri çəkmək üçün yaradılmış şirkətdir;
Novatek-in Yamal və Gidan yarımadalarında gələcək LNG layihələri: Arctic LNG-1, Arctic LNG-3 və Ob Qaz Kimya Kompleksi;
Novatek LNG Fuel Kashira Moskva vilayətində LNG kompleksinin operatorudur.
Sanksiyalar Baltik dənizində Ust-Luqada qaz-kimya kompleksi layihəsini həyata keçirən RusGazDobycha (Qazprom-un tərəfdaşı) şirkətinə də təsir edib.
Rusiyanın qaz sektorundakı digər şirkətlər, o cümlədən “Qazprom İnvest” (Qazprom-un törəmə şirkəti), həmçinin SOGAZ sığorta şirkəti də sanksiyalara məruz qalıb.
ABŞ həmçinin Rusiyanın ən böyük neft layihəsi olan “Vostok Oil”də işləyən “Rosneft” podratçılarına qarşı da sanksiyalar tətbiq edib. Onların arasında əsas nəqliyyat operatoru TBS Logistics və Yamaldorstroy da var.
Daha əvvəl bildirilmişdi ki, "Qazprom" son 25 ilin ən böyük illik itkisini açıqlayıb. Şirkətin gəliri 2023-cü ildə təxminən 30% azalıb və nəticədə illik təxminən 6,9 milyard dollar xalis zərər olub.
2024-cü il mayın 13-də məlum olub ki, Rusiya 2030-cu ilə qədər boru kəməri qazı satışını ildə 100 milyard kubmetrə çatdırmaq istəyən Çinə müraciət edib.
2024-cü ilin iyunundasa bildirilib ki, Qazprom ən azı on il ərzində müharibədən əvvəlki qaz ixracı həcmlərinə qayıda bilməyəcək.
Nicat
