Almaniyada keçiriləcək Avropa çempionatının oyunlarını idarə edəcək əsas hakimlərin yekun siyahısı müəyyənləşib.
Fanat.Az xəbər verir ki, UEFA-nın açıqladığı siyahıda 18 ədalət təmsilçisi yer alıb.
Onların arasında türkiyəli FIFA referisi Halil Umut Meler də var.
Beləliklə, AÇ-2024-ün oyunlarını idarə edəcək hakimlər bunlardır: Artur Soareş Diaş (Portuqaliya), Xesus Gil Manzano (İspaniya), Marko Quida, Daniele Orsato (hər ikisi İtaliya), İştvan Kovaç (Rumıniya), İvan Kruzliak (Slovakiya), Fransua Leteksye, Klement Turpin (hər ikisi Fransa), Danni Makkeli (Niderland), Şimon Marçinyak (Polşa), Halil Umut Meler (Türkiyə), Qlenn Nuberq (İsveç), Maykl Oliver, Entoni Teylor (hər ikisi İngiltərə), Sandro Şerer (İsveçrə), Daniel Siebert, Felik Tsvayer (hər ikisi Almaniya), Slavko Vinçiç (Sloveniya).
Qeyd edək ki, AÇ-2024 iyunun 14-dən iyulun 14-dək keçiriləcək.
