İran Netanyahunun hərbi kabinetindəki istefaları şərh edib

İsrailin dar tərkibli hərbi kabinetinin nazirlərinin istefaları yəhudi dövlətinin Qəzza zolağında keçirdiyi hərbi əməliyyatın uğursuzluğundan xəbər verir. Bizimyol.info xəbər verir ki, bu fikri İran Xarici İşlər Nazirliyinin rəsmi nümayəndəsi Nasir Kənani keçirdiyi mətbuat konfransında deyib. “İsrailin Nazirlər Kabinetinin nazirləri və təhlükəsizlik rəsmilərinin istefaları daxili çöküşü və İsrailin səkkiz aydır davam edən Qəzza əməliyyatında heç bir məqsədə çata bilmədiyini göstərir”, - deyə "Tasnim" agentliyi onun sözlərini sitat gətirib. Kənani əlavə edib ki, nazirlərin istefaları İsrailin Fələstin anklavında “strateji məğlubiyyətini” göstərir. Diplomat İsrailin Qəzzada keçirdiyi əməliyyatda ABŞ-ın rolu ilə bağlı İran hökumətinin mövqeyini xatırladıb və vurğulayıb ki, yəhudi dövləti bunu Vaşinqtonun tam hərbi, siyasi və informasiya dəstəyi ilə həyata keçirir. İyunun 9-da İsrailin dar çərçivəli hərbi kabinetinin nazirləri Benni Qantz və Qadi Eyzenkot istefa veriblər. Baş nazir Benyamin Netanyahunun rəhbərlik etdiyi bu kabinet Qəzza zolağındakı əməliyyatlara birbaşa rəhbərlik edir. Gantz həmçinin mərkəzçi Dövlət Düşərgəsi partiyasının milli birlik hökumətindən çıxdığını elan edib və Netanyahunu ölkədə erkən seçkilərin tarixini razılaşdırmağa dəvət edib. Aprelin 3-də Gantz hökuməti parlamentin buraxılması ilə bağlı razılığa gəlməyə çağırıb ki, seçkilər payızda keçirilsin. Mayın 18-də o, Netanyahu iyunun 8-dək Qəzzada müharibədən sonrakı nizamlanma planını təqdim etməsə, istefa vermək niyyətində olduğunu açıqlayıb. Qadir, Bizimyol.info

• əməliyyat
• İsrail
• Qəzza zolağı
• İran
• istefa
• hərbi kabinet
• uğursuzluq