İtaliya yığmasının baş məşqçisi Luçano Spalletti “skuadra adzurra”nın AÇ-2024-dəki çıxışı öncəsi gözləntilərini paylaşıb.
Arena.az “Football Italia” dərgisinə istinadən, italyan mütəxəssisin bu barədə fikirlərini təqdim edri:
“Məncə, yarışda cari çempion kimi iştirak etmək – üstünlükdür. Dərhal başa düşməliyik ki, biz özümüzü cari çempionlar kimi aparmalıyıq. İtaliya ölkəmizi təmsil etmək üçün bizi seçdi, ancaq oyunlar zamanı tapşırığın öhdəsindən gəlib-gəlmədiyimizi görəcəyik.
Müəyyən mənada biz xarici dünya ilə deyil, özümüzlə qarşı-qarşıya dururuq. Biz nədən ibarət olduğumuzu, içimizdə nə olduğunu göstərməliyik”, deyə Spalletti vurğulayıb.
2024-cü il Avropa çempionatı iyunun 14-dən iyulun 14-dək Almaniyanın 10 şəhərində baş tutacaq.
İtaliya yığması mötəbər yarışda “B” qrupunda Xorvatiya, İspaniya və Albaniya yığmaları ilə mübarizə aparacaq.
