Azərbaycan yığması Macarıstanda keçirilən yoxlama matçında Albaniyaya uduzdu - 1:3.
Sportinfo.az xəbər verir ki, bu ölkənin "VOX" (voxnews.al) portalı qarşılaşma haqda yazı hazırlayıb.
Məqalədə deyilir:
"Qırmızılar" AÇ-2024 oyunlarından əvvəl keçirilən yoldaşlıq matçlarında uğurlu nəticələrə imza atdı. Lixtenşteyni darmadağın edən (3:0) yığmamız azərbaycanlıları da həmin hesabla məğlub etməyə yaxın idi.
Bayraminin hesabı erkən açması, fantastik qolla azarkeşləri ayağa qaldırması komandanın gücünü ortaya qoymasına şərait yaratdı.
Düzdür, Musa Qurbanlının son dəqiqədə vurduğu qol daha böyük sevincə mane oldu. Lakin narahat olmağa dəyməz.
Albaniya AÇ-2024-ə hazırdır. Yoldaşlıq oyunlarına əsasən motivasiyalı olmağa dəyər".
