Rusiyanın səhiyyə naziri Mixail Muraşko bildirib ki, tibb müəssisələrində 20 mindən çox insan koronavirusdan müalicə olunur. Nazirin sözlərinə görə, ümumilikdə 80 mindən çox insan yoluxub.
Hafta.az-ın yazdığına görə, nazir TASS-a bildirib ki, ölkə koronavirusun dəyişkənliyini və peyvəndlərin, dərmanların və müalicənin effektivliyini izləyir.
"Hər hansı yeni çağırışlar yaranarsa, yerli səhiyyə sistemi pandemiya zamanı geniş iş təcrübəsi sayəsində tez reaksiya verməyə və vəziyyətə uyğunlaşmağa hazır olacaq" deyib Muraşko.
Rəsmi məlumatlara görə, 2023-cü ildə Rusiyada 39,8 milyondan çox yoluxucu və parazitar xəstəlik aşkar edilib. Bu, 2022-ci illə müqayisədə 30 faiz azdır.
34 yoluxucu xəstəliyin iqtisadi ziyanı 1 trilyon 87 milyon rubl təşkil edib.
Koronavirusa yoluxma halları 2022-ci ilə qədər təxminən 83 faiz azalıb. İl ərzində 2,1 milyon Covid-19 yoluxma hadisəsi qeydə alınıb.
