Kopenhagendə hücum zamanı xəsarət alan Danimarkanın baş naziri Mette Frederiksen sağalır.
Publika.az xəbər verir ki, bu barədə "Euronews" məlumat yayıb.
Baş nazirin şok vəziyyətində olduğu qeyd edilir. O, boyun nahiyəsindən yüngül xəsarət alıb. Baş nazirin 8 iyun şənbə günü üçün planlaşdırılan iş tədbirləri ləğv edilib.
Xatırladaq ki, iyunun 7-də Kopenhagendə naməlum şəxs Danimarkanın baş naziri Mette Frederikseni döyüb. Hücum iyunun 9-da keçiriləcək Avropa Parlamentinə seçkilər ərəfəsində baş verib.
