Bu gün Günəşdə yeni, ən güclü X sinifli partlayış baş verib. Manset.az BAKU.WS-ə istinadən xəbər verir ki, bu barədə Rusiyanın Tətbiqi Geofizika İnstitutu (IPG) məlumat yayıb. Məlumata görə, Günəşdəki partlayış təqribən 17 dəqiqə davam edib. Bu sinfə aid əvvəlki alışma X1.4/2B mayın 29-da baş verib və 87 dəqiqə davam edib. Günəş alovları rentgen şüalarının gücündən asılı olaraq beş sinfə bölünür: A, B, C, M və X. Mayın 5-də elm adamları Günəşdə ən yüksək dərəcəli X-in növbəti alışmasını qeydə alıblar. Bu, Yer üzündə monitorinq şkalası üzrə “güclü” G3 səviyyəli maqnit qasırğasına səbəb olub.