İsrailin Baş naziri Benyamin Netanyahu Qəzza zolağının cənubundakı Rəfahda İsrailin HƏMAS hərəkatının yüksək rütbəli radikallarını məhv etmək məqsədi ilə həyata keçirdiyi hava hücumu nəticəsində mülki şəxslərin yaralandığı hadisəni faciəvi adlandırıb.
Yeniavaz.com xəbər verir ki, Nazirlər Kabinetinin rəhbəri Knessetdə (ölkə parlamenti) çıxışı zamanı İsrailin baş verənlərlə bağlı təhqiqat aparacağını bildirən müvafiq bəyanatla çıxış edib.
Baş nazir bildirib ki, İsrail Rəfahda bir milyon sakinin təxliyyəsini təmin edib, lakin bütün səylərə baxmayaraq, dünən faciəli bir hadisə baş verib:
“HƏMAS-a təzyiq etmək lazımdır və biz bunu edirik. Həm İsrail daxilində, həm də xaricdən təzyiqlərlə qarşılaşırıq. HƏMAS üzərində mütləq qələbəni heç nə əvəz edə bilməz”.
Qeyd edək ki, İsrail ordusu dünən İsrail Hərbi Hava Qüvvələrinə məxsus təyyarələrin Rafah bölgəsindəki mühüm terror hədəflərinə, o cümlədən İordan çayının qərb sahilindəki HƏMAS qanadının terror hücumlarına rəhbərlik edən və mülki İsrail sakinlərinə hücumlar həyata keçirən terrorçu liderlərinə hücum etdiyini bildirib:
“Zərbə HƏMAS terrorçularının bu yerdə olması ilə bağlı ilkin kəşfiyyat məlumatlarına əsasən həyata keçirilib və zərbədən əvvəl zərərçəkmiş mülki şəxslərə zərər vurmaq riskini azaltmaq üçün bir sıra addımlar atılıb”.