...Ruslar Qara dəniz donanmasının gəmilərini Krımdan fəal şəkildə köçürürlər. SİA-nın əldə etdiyi məlumata görə, bu barədə mayın 26-da “Espreso” verilişində Cənubi Ukrayna Müdafiə Qüvvələrinin Strateji Kommunikasiyalar Mərkəzinin rəhbəri Dmitri Pletençuk danışıb.
...Hazırda təsdiq edə bilərəm ki, Rusiya Qara Dəniz Donanmasının iki raket kateri müvəqqəti işğal olunmuş Krımda öz bazalarından hərəkət edir. Bundan əvvəl yarımadadan daha beş gəmi hərəkət edib. Xüsusilə, mina süpürənlər. Onlar müxtəlif yerlərə köçürürlər.
Bunu deyən Pletençukun sözlərinə görə, ruslar gəmiləri Krasnodar diyarına, eləcə də Novorossiyskə keçirirlər.
...Onları dənizdə qanadlı raketlərin daşıyıcısı olmayan sualtı qayıq müşayiət edir. Ona görə də vəziyyət stabildir. İşğalçılar müvəqqəti olaraq işğal altında olan Krımı durmadan tərk edirlər. Bu dəfə onlar Sevastopol limanında dibini araşdırmaqdansa, yerüstü üsulla yarımadanı tərk etmək qərarına gəliblər.
Bunu da Pletençuk bildirib.
Ağasəf Babayev
