"Şuşadan çıxanda uşaq idik, nə baş verdiyini anlamırdıq. Amma indi başa düşürük ki, Azərbaycan dövləti bu gün tarix yazır".
NUHÇIXAN xəbər verir ki, bunu Şuşa şəhərinə köç edən keçmiş məcburi köçkün Gülnarə Yusif qızı Məmmədova deyib.
O qeyd edib ki, artıq yataqxanada köçkünlük həyatları bu gün başa çatır:
"Bu illər ərzində Biləcəridəki yataqxanada köçkünlük həyatı yaşamışıq. Olmazın çətinliklərlə, həyatın amansız sınaqları ilə üz-üzə qalmışıq. Sinəmizdə 30 illik köçkün həyatı dağı bu günlərə çatmışıq. Şükür ki, bu gün yurdumuza qovuşuruq.
Bu günləri bizə yaşatdığı üçün Ali Baş Komandanımıza, müzəffər Ordumuza minnətdarıq. Allah şəhidlərimizə rəhmət eləsin, qazilərimizə cansağlığı versin!"
Qeyd edək ki, bu gün növbəti köç karvanı Şuşa şəhərinə yola salınır. Bu mərhələdə daha 32 ailə (125 nəfər) öz doğma yurduna köçürülür.
Xatırladaq ki, indiyədək Şuşa şəhərində 90 ailənin (349 nəfərin) daimi məskunlaşması təmin edilib.
Mətndə səhv varsa, onu qeyd edib Ctrl+Enter düyməsini basaraq bizə göndərin.
- Ночной Режим
- Домашняя страница
- Статистика
- Источники
- Рейтинг
- Погода
- Валюта