Amerikalı pop ulduz Britni Spirs özünə və ya başqalarına zərər verə bilər. Məşhurun ailəsi və dostları onun üçün çox narahatdır. Yaxınları müğənninin uzun müddət sağ qalmağının yeganə yolunun başqa qəyyumluq olduğuna inanırlar.
Sfera.az bildirir ki, Britni Spirs son zamanlar öz qeyri-adekvatlığı ilə cəmiyyəti şoka salır. Bu yaxınlarda müğənni Los-Ancelesdəki otellərdən birində də qalmaqal fırtınası yaradıb.
Mənbələr jurnalistlərə bildiriblər ki, qəyyumluğun bitməsindən bəri Britninin psixi sağlamlığı getdikcə pisləşir. Onların sözlərinə görə, müğənni tez-tez sakitləşdirici dərmanlar, içkilər qəbul əvəzinə əlavə həblərdən istifadə edir. Bu xüsusilə təhlükəlidir, çünki Britninin onsuz da, narkotik maddələrdən sui-istifadə ilə bağlı problemləri olub. Məhz buna görə ulduz dəfələrlə reabilitasiyaya göndərilib.
Bundan əlavə, hazırkı sevgilisi, keçmiş məhbus olan Pol Soliz onun evini və bütün həyatını idarə edir. Britninin pərəstişkarları #FreeBritney hərəkatını təşkil edərək, Spirsin atasının qəyyumluğundan azad edilməsinə nail ola bilmişdilər. 12 noyabr 2021-ci ildə məhkəmə müvafiq qərar qəbul edib.
"Əlaqə saxladığımız bütün mənbələr qəyyumluğun bitməsinin böyük səhv olduğunu bildirirlər. Baxmayaraq ki, atası Ceymi Spirs müğənniyə qəyyumluq edəcək uyğun və doğru namizəd deyil, yenə də onun nəzarət altında qalması vacibdir" - deyə jurnalistlər bildirir.
Britniyə yaxın mənbələr onu da bildiriblər ki, Britnidə şiddətli əhval dəyişikliyi var və tez-tez fiziki zorakılıqla bitən əsəb sarsıntıları keçirir.
“Bəzən normal söhbət edə bilmədiyi üçün onunla ünsiyyət qurmaq mümkünsüz olur".
Dostlar kömək üçün jurnalistlərə müraciət edərək Spirsin vəziyyəti ilə bağlı məlumat dərc etməyi xahiş ediblər. Onlar hesab edirlər ki, ictimaiyyət ulduz üzərində yeni qəyyumluğun yaradılmasına dəstək verməlidir.
“Söhbət etdiyimiz hər bir mənbə əgər belə davam edərsə, Britninin ciddi təhlükə ilə üz-üzə qalacağını deyir”– deyə nəşr qeyd edir.
Aysel
Sfera.az
