Moldovada diri-diri basdırılan 62 yaşlı kişini 4 gündən sonra xilas etmək mümkün olub. Onun yerin altından gələn ümidsiz qışqırıqları polislər tərəfindən təsadüfən eşidilir.
Sfera.az bildirir ki, hüquq-mühafizə orqanlarının əməkdaşları Moldovanın şimal-qərbindəki kəndlərdən birinə gəlib. Onlar həmin vaxt qohumlarının həyat əlaməti olmadan tapdıqları 74 yaşlı qadının ölümünü araşdırırmış. Polis qadının qətlində şübhəli bilinən 18 yaşlı gəncin evində axtarış apararkən yaxınlıqdan gələn kömək çığırtılarını eşidib.
Yayımlanan görüntülərdə yaşlı bir kişinin müvəqqəti məzardan çıxarıldığını görmək olur. O yaralı və yarı huşunu itirmiş halda olub.
Zərərçəkmiş polisə bildirib ki, qətldə şübhəli bilinən oğlanla spirtli içki qəbul edib, sonra isə aralarında mübahisə düşüb. İddialara görə, yeniyetmə ona bıçaqla hücum edib, bundan sonra onu müvəqqəti zirzəmiyə bağlayıb və girişi torpaqla örtüb diri-diri basdırıb.
Polis hesab edir ki, yeniyetmə qohumu olan təqaüdçünü ertəsi gün öldürüb. Sərxoş vəziyyətdə olan şübhəli şəxs evində yaxalanıb. Dindirmə zamanı o, qarışıq-anlaqsız və uyğun olmayan ifadələr verib.
Prokurorluq bir nəfərin öldürülməsinə cəhd, digərinin isə qətlə yetirilməsi ilə bağlı araşdırmaları davam etdirir. Gəncin günahı sübuta yetirilərsə, onu ömürlük həbs cəzası gözləyir.
Yerdən xilas edilən şəxs isə yaxınlıqdakı xəstəxanaya yerləşdirilib.
Aynil
Sfera.az
