Mayın 17-də Aşqabadda keçirilən Mədəniyyət Nazirlərinin Beynəlxalq Konfransı çərçivəsində Ermənistanın təhsil, elm, mədəniyyət və idman naziri Janna Andreasyan Türkiyənin mədəniyyət və turizm naziri Məhməd Nuri Ərsoy ilə görüşüb.
Publika.az xəbər verir ki, bu barədə Ermənistanın Təhsil, Elm, Mədəniyyət və İdman Nazirliyinin mətbuat xidmətinin məlumatında deyilir.
Bildirilib ki, tərəflər Ermənistan və Türkiyə arasında münasibətlərin tam tənzimlənməsi çərçivəsində mədəniyyət sahəsində əməkdaşlığın qurulmasını müzakirə ediblər.
