“Kəpəz”in sabiq futbolçusu Georgi Kantariya yenidən Gəncə klubunda çıxış etmək istəyir.
İdmanxeber.az-ın əldə etdiyi məlumata görə, gürcüstanlı futbolçu “sarı-göylər”də oynamağa hazır olduğunu bildirib. Kantariya ötən il Gəncə təmsilçisindən daha yüksək maaş verən Livanın “Nejmeh” komandası ilə müqavilə bağlamışdı.
Oyunçu hələ yanvarda “Kəpəz”ə qayıtmaq üçün müəyyən cəhdlər göstərsə də, transfer baş tutmayıb.
Kantariyanın hazırda da əlaqələrini işə saldığı və yenidən “sarı-göylər”də oynamaq istədiyi bildirilir.
