BMT Baş Assambleyasının mayın 10-da Fələstin üzrə 10-cu Fövqəladə Xüsusi Sessiyasının iclası keçiriləcək.
İqtisadiyyat.az xəbər verir ki, bu barədə Baş Assambleyanın 78-ci sessiyası sədrinin sözçüsü Monika Qreli jurnalistlərə bildirib.
"BMT Baş Assambleyasının prezidenti Dennis Francis mayın 10-da, cümə günü Baş Assambleyada BMT Baş Assambleyasının 49-cu plenar iclasını keçirəcəyi barədə üzv ölkələrə xəbər verib", - Qreli söyləyib.
Bundan əvvəl mənbə məlumat vermişdi ki, bir qrup ərəb dövləti BMT Təhlükəsizlik Şurasına Fələstinin dünya təşkilatına tamhüquqlu üzv qəbul edilməsi məsələsinə yenidən baxılması tövsiyəsi ilə xüsusi sessiya zamanı səsverməyə çıxarılan qətnamə layihəsini təklif etmək niyyətindədir.
