Rusiya ordusu Donetsk vilayəti uğrunda gedən döyüşlərdə daha iki kəndi ələ keçirə bilib. Mayın 1-nə olan məlumata görə,ruslar iki yaşayış məntəqəsini ələ keçirsələr də, Yampolovkanın şərqində sayıqlığı itirib və həmin ərazidə Ukrayna Müdafiə Qüvvələri öz mövqelərini bərpa ediblər.
Reyting.az xəbər verir ki, bu barədə “DeepState” analitik layihəsində deyilir.
Qeyd olunur ki, Müdafiə Qüvvələri Yampolovkanın şərqindəki mövqelərini bərpa etsə də, ruslar Keramik və Novokalinovo ərazilərini ələ keçirib, həmçinin Novoaleksandrovka və Urojayno yaxınlığında irəliləyib.
Eyni zamanda, Rabotinoda vəziyyət dəqiqləşdirilir.
Onu da qeyd edək ki, “DeepState”nin yaydığı məlumat rəsmi deyil. Ukrayna Silahlı Qüvvələrinin Baş Qərargahı Keramik və Novokalinovkanın itkisi barədə hələlik məlumat verməyib.
E. KAMAL
