Qırmızı dəniz üzərində ABŞ hərbçiləri tərəfindən beş pilotsuz uçuş aparatı (PUA) vurulub.
Bu barədə ABŞ Mərkəzi Komandanlığı (CENTCOM)X sosial şəbəkəsindəki (keçmiş Twitter) səhifəsində məlumat verib.
“Bu PUA-lar regionda ABŞ, koalisiya və ticarət gəmiləri üçün birbaşa təhlükə yaradır. Naviqasiya azadlığının qorunması və beynəlxalq suların təhlükəsizliyinin yaxşılaşdırılması üçün tədbirlər görülüb”, - deyə məlumatda bildirilir.
Hərbçilərin məlumatına görə, pilotsuz təyyarələr aprelin 28-nə keçən gecəməhv edilib.
