İlhamə Quliyeva hansı məşhura bahalı hədiyyələr edib? – İlk dəfə AÇIQLANDI

“İlhamə xanımla aramızda böyük çəkişmə olmuşdu”.

Yenicag.az xəbər verir ki, bu sözləri tanınmış müğənni əməkdar artist Nüşabə Ələsgərova “Xəzər axşamı” verilişində deyib.

O, mərhum xalq artisti İlhamə Quliyeva ilə bağlı maraqlı faktlar açıqlayıb:

“İlhamə xanımla aramızda böyük çəkişmə olmuşdu. Alicənab qadın idi, sonradan anladı ki, haqlı tərəf mənəm. Özü məni çağırdı və barışdıq. Sonradan dostlaşdıq. Onun anamla bir-iki yaş fərqi var idi, amma mən onunla rəfiqə kimi idim. Çünki sevmirdi ona yaşca böyük qadın kimi baxsınlar. Doğum günlərimdə mənim üçün özəl olaraq tort sifariş edirdi. O mənə çox bahalı hədiyyələr də edib. Qızıl “onluqlar”, zinət əşyası dəsti və başqa qızıllar bağışlayıb. İlhamə xanım eqolu bir xanım idi, bu da onum uşaqlıqda naz-nemət, var-dövlət içində böyüməsindən irəli gəlirdi. Hökmran qadın idi. O cür gözəl qadın xoşbəxt deyildi. İçindəki kədəri hökmranlığı ilə ört-basdır etməyə çalışırdı. Təkliyə çəkiləndə onun nə çəkdiyini mən bilirdim”.

Nehru