Elektrik enerjisini 100 faiz bərpa olunan enerjidən alan ölkələr

Yeni tərtib edilmiş rəqəmlərə görə, hazırda 7 ölkə elektrik enerjisinin demək olar ki, hamısını bərpa olunan enerji mənbələrindən istehsal edir.
Hafta.az-ın yazdığına görə, bunlar Albaniya, Butan, Nepal, Paraqvay, İslandiya, Efiopiya və Konqo Demokratik Respublikasıdır. Adıçəkilən ölkələr istehlak etdikləri elektrik enerjisinin 99,7 faizindən çoxunu geotermal, hidroelektrik, günəş və ya külək enerjisindən istifadə yoluyla istehsal ediblər.
Beynəlxalq Enerji Agentliyi (IEA) və Beynəlxalq Bərpa Olunan Enerji Agentliyinin (IRENA) məlumatları 11 Avropa ölkəsi də daxil olmaqla, daha 40 ölkənin 2021 və 2022-ci illərdə bərpa olunan enerji texnologiyalarından istehlak etdikləri elektrik enerjisinin ən azı 50 faizini istehsal etdiyini ortaya qoyub.
Məlumatları dərc edən Stanford Universitetinin professoru Mark Cekobson “Bizim möcüzə texnologiyalarına ehtiyacımız yoxdur. Biz hər şeyi elektrikləşdirməklə və quruda külək, Günəş fotovoltaikləri, konsentratlaşdırılmış Günəş enerjisi, geotermal elektrik, kiçik hidroenerji və böyük su elektrik enerjisi daxil olmaqla külək, su, günəş/WWS ilə elektrik enerjisi təmin etməklə emissiyaları dayandırmalıyıq” deyib.
Professor Cekobson, Almaniya kimi digər ölkələrin də qısa müddət ərzində 100 faiz bərpa olunan elektrik enerjisi ilə ehtiyaclarını ödəyəcəklərini bildirib.
BEA-nın yanvarda açıqladığı rəqəmlər göstərir ki, Böyük Britaniya 2022-ci ildə elektrik enerjisinin 41,5 faizini bərpa olunan mənbələrdən alacaq. Bu göstərici əvvəlki illə müqayisədə 10,5 faiz çoxdur.
Şotlandiyada bərpa olunan enerji texnologiyaları 2022-ci ildə ölkənin ümumi elektrik istehlakının 113 faizinə ekvivalent istehsal edib.
"Bu rekord qıran rəqəmlər Şotlandiyanın xalis sıfır çirklənməyə doğru səyahətində əhəmiyyətli mərhələdir və dünya səviyyəli bərpa olunan enerji mənbələrimizin böyük potensialını açıq şəkildə nümayiş etdirir" deyib Şotlandiya Bərpa Olunanların Baş Direktoru Kleyr Makk.
Şotlandiyanın elektrik enerjisi istehsalında külək enerjisi üstünlük təşkil etsə də, tədqiqatçılar qarşıdakı onilliklərdə Günəş enerjisinin qlobal elektrik təchizatında üstünlük təşkil edəcəyini proqnozlaşdırırlar.
Son illərdə günəş batareyalarının səmərəlilik dərəcələrinin yaxşılaşdırılmasında əhəmiyyətli irəliləyişlər əldə edilib.
Exeter Universiteti və London Universitet Kollecinin aparıcı alimləri keçən il günəş enerjisinin 2050-ci ilə qədər dünyanın əsas enerji mənbəyinə çevrilməsinə imkan verəcək "dönməz kritik həddə" çatdığını iddia ediblər.
Onların 2023-cü ildə “Nature Communications” elmi jurnalında dərc olunan məqaləsi, texnoloji və iqtisadi irəliləyişlərin təmiz enerjiyə keçidin nəinki əldə edilə bilən, həm də qaçılmaz olduğunu göstərir.
"Keçmiş siyasətlərin hərəkətə gətirdiyi texnoloji tendensiyaya görə, günəş enerjisində geri dönməz kritik həddi keçilmiş ola bilər. Bu o deməkdir ki, digər iqlim siyasətləri olmadan günəş enerjisi tədricən qlobal elektrik bazarlarında hökmranlıq edəcək", - tədqiqatçılar yazır.
Günəş enerjisi dünyada ən çox yayılmış enerji mənbəyidir və onun iqtisadi cəlbediciliyi artan investisiyalar dövründə sürətlə yüksəlir.