Эконом

S&P Global Ratings Azərbaycanla bağlı proqnozunu dəyişib

anews.az

17:22 17.04.2024

Smartbee
Пожаловаться

S&P Global Ratings təşkilatı 2024-cü ildə Azərbaycanda ÜDM-in real artımının əvvəlki 1,4%-dən 1,5%-ə kimi artırıb. Bu barədə agentliyin saytında yerləşdirilən məlumatda bildirilib.

Agentliyin məlumatına görə, 2024-cü il üçün Azərbaycanda adambaşına düşən real ÜDM-in artımı 0,5 faiz proqnozlaşdırılıb.

Analitiklər həmçinin bu il real investisiya artımının 3%, nominal ÜDM-in 76,08 milyard ABŞ dolları olacağını proqnozlaşdırıblar.

Dünya Bankının hesablamalarına görə, 2024-cü ildə Azərbaycanda ÜDM-in real artımı 2,3% olacaq.

Azərbaycanın İqtisadiyyat Nazirliyi 2024-cü ildə ÜDM-in artımını 2,4%, 2025-ci ildə 2,9% səviyyəsində proqnozlaşdırılıb.

2023-cü ildə Azərbaycanda ümumi daxili məhsul (ÜDM) 123 milyard manat təşkil edib, real iqtisadi artım 1,1 faiz səviyyəsində qiymətləndirilir.

S&P Global Ratings-ə görə, bu il Azərbaycanın cari balansının ümumi daxili məhsula (ÜDM) nisbəti 11,18%, real ixrac artımı 0,5% təşkil edəcək.

Mərkəzi Bank 2024-cü ilin sonunda cari hesabın 7-8 milyard ABŞ dolları həcmində profisiti proqnozlaşdırır.

Dünya Bankıns görə, 2024-cü ildə Azərbaycanın cari əməliyyatlar balansının ümumi daxili məhsula (ÜDM) nisbətini 7,9% səviyyəsində proqnozlaşdırıb.

2023-cü ildə Azərbaycanın tədiyə balansının cari əməliyyatlar hesabının profisiti 8,3 milyard ABŞ dolları (ÜDM-in 11,5 faizi) təşkil edib.

2022-ci ildə Azərbaycanın tədiyə balansının cari əməliyyatlar hesabının profisiti neft və qazın yüksək qiymətləri fonunda rekord səviyyədə 23,478 milyard (2021-ci illə müqayisədə 2,8 dəfə artım) və ya ÜDM-in 23,5% qədər olub.

N.Təbrizli

www.anews.az

Bütün xəbərləri reklamsız oxumaq üçün qeydiyyatdan keç və ya login ol. Günlük ölkədə baş verən xəbərləri bizdən izlə.

Избранный