Bakı, 15 dekabr, AZƏRTAC
Yaponiya Müdafiə Nazirliyi ölkə tarixində ilk dəfə qadına ən yüksək hərbi rütbə - admiral rütbəsi verib.
AZƏRTAC xəbər verir ki, əvvəllər vitse-admiral rütbəsi ilə Ali Dəniz Komandanlığı Məktəbinə rəhbərlik edən 57 yaşlı Natsue Kondo bundan sonra admiral rütbəsində Yaponiyanın sahil müdafiə qüvvələrinin komandanı olacaq.
Yaponiya Müdafiə Nazirliyi hazırda silahlı qüvvələrdə yüksək vəzifələrdə çalışan qadınların sayının artırılması proqramını həyata keçirir. 2025-ci ilə qədər onlar ali zabit heyətinin və generalların ən azı 5 faizini təşkil etməlidir.
2018-ci ilin mart ayında birinci dərəcəli qadın kapitan Ryoko Adzuma, tarixdə ilk dəfə Yaponiyanın ən böyük helikopter daşıyıcısı “İdzumo” da daxil olmaqla, dörd döyüş gəmisindən ibarət qrupun rəhbəri olub.
