Almaniyada un istehsalçısı noxud ununu geri çağırıb. Marka məhsul üçün geri çağırış elan edərkən, məhsulda beyinə zərər verə biləcək pestisidlərin aşkar edildiyi ifadə edilib.
Turkustan.az xəbər verir ki, Global Foods Trading GmbH oktyabrın 23-də dərc olunmuş məlumat mətnində "Schani – Gram Flour Pure Besan" məhsulunu geri çağırdığını elan etdi. Müştərilərin geri çağırılan məhsulları istehlak etməməsi lazım olduğu bildirilərkən, məhsulun tərkibində beyinə zərər verə biləcək zəhərli maddə olduğu müəyyən edilib.
Brend geri çağırılmasının səbəbinin 2020-ci ildən Aİ-də qadağan olunmuş Chlorpyrifos pestisidinin aşkarlanması olduğunu açıqlayıb. Bu unun istehlakının insan sağlamlığına potensial zərərli olacağı bildirilərkən, sinir sisteminə mənfi təsir göstərəcəyi ilə bağlı xəbərdarlıqlar edilib.
Global Foods Trading GmbH müştərilərə elan etdi ki, yalnız son istifadə tarixi 2025-ci ilin fevralında və partiya nömrəsi KIE 019 olan məhsullar geri çağırılır.
Digər tərəfdən o, brend məhsulları aldıqları bazara qaytaran müştərilərin məhsulu əllərində olan qəbzlə geri qaytara, qaytarılması mümkün olmayan hallarda isə pulun geri qaytarılmasını tələb edə biləcəklərini bildirib.
Eltac Zülfüqaroğlu/Turkustan.az
