ABŞ-da yaşayan dünyanın üçüncü ən yaşlı insanı Elizabet Frensis 115 -yaşında vəfat edib.
Turkustan.az xəbər verir ki, ABŞ-ın ən yaşlı insanı Elizabet Frensis dünyanın üçüncü ən yaşlı insanı kimi rekordlar kitabına düşüb.
1909-cu ildə anadan olan Frensis ABŞ-ın 20 prezident dövrünü görüb.
Hyustonda bir televiziya kanalının bufetini idarə edən, 95 yaşlı qızı və nəvəsi ilə birlikdə yaşayan Fransisin çoxlu nəvələri olub.
Həm yaşı, həm də sevgisi ilə tanınan Frensis, qocalığı ilə bağlı bəzi xəstəliklərə görə 115 yaşında dünyasını dəyişib.
LongeviQuest-in baş direktoru Ben Meyers bildirib ki, Fransisin bu qədər uzun yaşamasının sirri onun güclü ailə və icma bağlarıdır.
"İnsanların təkbaşına bu yaşa çatması çox çətindir. Frensisi bu qədər uzun müddət yaşadan onun ailəsi və ətrafındakı insanlarla qurduğu möhkəm bağlar idi. Hyuston icmasının sevimli üzvü Frensis geridə böyük və mehriban bir ailə qoyub”.
/bakupost.az/
