Bakı Olimpiya Stadionu Çempionlar Liqasının 2026/27 mövsümünün final matçına ev sahibliyi edə bilər.
Milli.Az İdman.biz-ə istinadən xəbər verir ki, AFFA ölkənin ən böyük arenasının namizədliyi ilə bağlı UEFA-ya müraciət edib.
2027-ci ildə keçiriləcək həlledici matçı qəbul etməyə iki stadion iddia edir. Bakı Olimpiya Stadionunun yeganə rəqibi Madriddəki "Estadio Metropolitano"dur.
Qeyd edək ki, UEFA İcraiyyə Komitəsi finalın ev sahibini 2025-ci ilin mayında seçəcək.
Milli.Az
